很多謝gigi& 二奶送給愛譜的禮物~

很多謝表嫂送給愛譜的鞋仔~

很多謝各位朋友對愛譜的愛錫~~

衫仔裙仔鞋仔~~

究竟720著哪一件好呢????

花多眼亂~~

曾經想過~

當日就幫愛譜來一個花生騷吧

14 Jul

很快就到7月20日

老實說我十分緊張~

好比結婚一樣~~

幸好認識到一班同聲同氣的好幫手~

當然也認識到比較奇怪的幫手啦~

當攪手的滋味一點都不好受~

合作上的大小事都要由我決定~

重要的是…..萬一幫手的人不能自動自覺的就更麻煩…..

有件事有個人另我有點生氣的….

開會時他不能出席我們理解..

可能他有突發事情吧….

可是自開會後他一句問題也沒有問…

有時e-mail開會也沒有回覆….

當然我們有幾個火爆mama看不過眼啦~

四處找他的蹤影….結果得來一句…

『我不能時時上網』

但還有見他上網聊天…也懂得報名參加當日的比賽

很不明白…怕麻煩但又不願幫手…

竟然報名參加做當日義工..

我們只怕越幫越忙….

我更怕一些人….

只會懂得說

『有事可以搵我幫手呀~有咩事想幫手就出聲呀~我一定幫』

但一有事情要幫忙時哪些人便會失蹤似的~

好一點的人就會『耍太極』

『哎呀..唔好意思呀…我岩岩有事幫唔到手呀…好忙呀』等等

另到我們真正出過力的mama都有點氣憤….

12 Jul

大家都說拍拖的人~

結了婚的人都一定要去赤柱浪漫一下~

可是我跟蝦仔…….
從來都沒有去過赤柱拍拖…..

而我第一次到赤柱的原因是為了買衫仔給愛譜~

和一班新認識的mama到赤柱一遊~

買過衫仔後~~

大家更興致勃勃說要飲酒玩天光~

可是有些mama帶了baby一齊來喔~~

飲酒玩天光的節目留到下一次吧~

便決定到秋姐介紹的『正斗豬骨煲』打邊爐~

赤柱好玩嗎???

我不知道喔~
可能我們的時間不多~~

我並沒有觀光那裡的浪漫點~~

而且我更下了一個決定….

沒必要的話…..我不會再去啦….

長途車很常見的~
每一個乘客找好位置坐後直至到站~
他們很多時都會小睡片刻~

兩個坐位坐了兩位互不認識的男人~

近窗的男人只搭了一個站就下車~

有個女人非常幸運地飛撲過去~
然後大聲跟她的老公講

『我搵到位喇~你過來跟我談天丫~』

我看得出一直睡著又坐在近行人通道旁的男人有點無奈~

他沒有跟那一位女人調位~只是很無奈地閉目養神~

而那位女人竟然可以隔著坐在她旁的男人~

大大聲的跟她老公談天說地~

坐在女人旁的男人張開了雙眼~

但依然沒有要調位或讓坐的意思~

然後女人就大大聲的跟她的老公說

『而家啲人好無品..見到人傾計傾得咁辛苦好心就比個位出黎啦』

女人身旁的男人….繼續閉目養神….

究竟是哪一個無品呢??

要是我是那一個女人~

我一定不會這樣跟蝦仔聊天~

但要是我是那一個男人~

我一定會跟那個女人調位~
好讓她說個夠~不用大大聲的聊天

巴士上有一個女人講的話題實在太吸引啦~

我不由得用心聆聽她與另一位男人的談話內容~

女人『話你聽丫~叫人上去公司聽野~然後叫你用一大筆錢買野就係叫呃人~
            而家我去聽野後佢地又冇叫我買野就唔係呃人啦~』

男人『咁你又買~仲要買咁多??你買果啲野都唔知有冇效~小心食死你呀』

女人『而家佢地公司只係話有需要先買~我又唔係冇需要~自從我食左佢地啲健康產品後醫生都睇少左呀~』

男人『心理作用~以為啲咩咩健康產品就叫好野~都唔知會唔會食到有問題啫~想健康做多少少運動啦~』

女人『我話你聽~健康係要用錢去買返黎~做運動都冇用~做得運動多會死架~』

男人『你食埋咁多化學野都好快會死呀!!』

女人『人地果啲係天然食品~冇化學成份架~點解果間公司要人去聽講座呢??!!
           就係怕有啲好似你既人咩都唔知就話唔好唔好~我買左試過係得先介紹你去聽下咋~
           唔聽都唔知原來我係井底之蛙呀~呢間公司啲人幾好呀~話覺得啱朋友都可以介紹比佢~
           而且又有折頭~~好過啲咩香芬~~又冇用又係傳銷』

男人『你而家呢隻健康產品都係傳銷一種啦~又冇賣廣告又叫人買完後介紹比第二個』

女人『你錯啦~~賣得廣告所有野先係呃人~~有實力既野唔賣廣告先叫正野~
            介紹比人係因為我地用完都覺得好嘛~好野唔怕介紹比人丫』

男人『呢啲野始終都係食~食長左時間後先發現到問題就後悔喇』

女人『人地咁大間公司都開左成20年啦~到而家先有事我就唔信喇~
            而且呢啲野你情我願~就比一年時間大家去試驗下真假囉~
            最後真係發現佢係呃人都冇問題丫~我食左個人都健康左~
            好過啲香芬買左係到自己又冇用~始終健康都係用錢買返黎嘛~
            你可以跟我上去公司到聽下先都得~唔啱又唔會迫你買架~』

男人『我唔會去~傳銷唔啱我』

女人『我地呢啲唔係叫傳銷~聽下新事物開開眼界之嘛~』

他們就一直你一言我一句…

個女人重覆又重覆講『試下啦』『唔啱唔迫你買』『健康要用錢買架』等等

到我落車…..個女人都依然不死心…..

這個女人就算不是傳銷也好~

但我肯定她是一個SALE~